Hero Image

Episode

Episodi i 8 i "Think Big" me ata që po transformojnë Real Estate-in në Shqipëri – Capital Point

By Business Magazine

Video

00:00

Prezantimi i Capital Point Forbes Global Properties dhe intervista me Ilda Zaloshnja, duke nxjerrë në pah rrugëtimin e saj në sektorin imobiliar dhe rëndësinë e këtij partneriteti për tregun shqiptar.

• Prezantim i episodit dhe fokusit tek Capital Point Forbes Global Properties.

• Diskutim mbi rëndësinë e partneritetit për sektorin e pasurive të paluajtshme në Shqipëri.

• Ilda Zaloshnja ndan eksperiencën e saj në tregun imobiliar që prej vitit 2008.

• Pasqyrë mbi krijimin e franshizës së parë amerikane në Shqipëri dhe ndikimin e saj në treg.

07:54

Krijimi dhe ndikimi i agjencisë imobiliare, me fokus në modelin e trajnimit dhe rëndësinë e pavarësisë financiare për agjentët.

• Dëshira për të ndërtuar diçka me vlerë dhe për të arritur pavarësi financiare.

• Agjencia u themelua në vitin 2009.

• Implementimi i një programi trajnimi për agjentët me fokus në certifikim dhe zhvillim profesional.

• Prezantohet pagesa me komision si risi për industrinë.

• Evoluimi i vazhdueshëm i modeleve të kompensimit në agjencitë imobiliare.

15:48

Rolet dhe përgjegjësitë në industrinë e ndërmjetësimit imobiliar, duke theksuar rëndësinë e trajnimit dhe faktorëve emocionalë në transaksione me vlerë të lartë.

• Prezantim i roleve të brokerëve dhe agjentëve.

• Brokerët mbajnë përgjegjësi ligjore dhe trajnojnë agjentët.

• Trajnimi i detyrueshëm shihet si i pamjaftueshëm krahasuar me realitetin e tregut.

• Theksohet roli i emocioneve në vendimmarrje.

• Sugjerohet adoptimi i praktikave më të mira ndërkombëtare, veçanërisht modeli amerikan.

23:43

Rrugëtimi i krijimit të Capital Point dhe rëndësia e vizionit dhe bashkëpunimit në zhvillimin e biznesit.

• Thyerja e rekordeve dhe eksplorimi i drejtimeve të reja në biznes.

• Reflektim mbi përvojat e tetë viteve të fundit.

• Bashkëpunimi me Brendon që solli perspektivë globale.

• Krijimi i Capital Point si rezultat i partneritetit.

• Fokus në investime korporative imobiliare dhe kompani të huaja.

31:36

Rritja personale, lidershipi dhe standardet e larta në tregun e pasurive luksoze.

• Forca dhe qëndrueshmëria e nevojshme në industri.

• Sfida e vazhdueshme për rritje profesionale dhe personale.

• Ilda si shembull i udhëheqjes përmes etikës së punës.

• Brinda si energji dinamike që rrit standardet.

• Pritshmëritë e larta të klientëve luksozë dhe përmbushja e tyre.

39:30

Kalimi nga ndërmjetësimi tradicional drejt një modeli global të këshillimit të pasurisë.

• Kalimi nga shitja e pronave drejt këndvështrimit të investimeve.

• Roli këshillues dhe dëgjimi i objektivave financiare të klientëve.

• Shqipëria si treg në rritje me kthime më të larta.

• Rëndësia e klientëve ndërkombëtarë në tregun luksoz.

47:25

Ndryshimet transformuese në Shqipëri dhe mundësitë që krijohen për investime afatgjata.

• Ndryshimi si proces gradual.

• Pranimi i ndryshimit si mundësi rritjeje.

• Fokus në strategji afatgjata dhe jo fitime të shpejta.

• Avantazhi i first mover për investitorët vizionarë.

• Nevoja për këshillim të fortë dhe partneritete strategjike.

55:19

E ardhmja e pasurive të paluajtshme dhe financave digjitale përmes tokenizimit.

• Ndryshime globale në tokenizimin e pasurive të paluajtshme.

• Monedhat digjitale drejt zëvendësimit të parasë fizike.

• Automatizimi i transaksioneve financiare.

• Zhvendosja e konsulencës drejt korporatave të mëdha.

• Trajektore pozitive rritjeje për tregun imobiliar shqiptar.

About

Tregu i pasurive të paluajtshme në Shqipëri ka hyrë në një fazë të re. Nuk bëhet më fjalë vetëm për ndërtim dhe shitje, por për pozicionim, përvojë, brand dhe investime që synojnë një publik global. Pikërisht këtë transformim vë në fokus episodi i radhës i Think Big, ku kemi vizituar Capital Point – Forbes Global Properties, një nga kompanitë konsulente më elitare të real estate-it luksoz në vend. Të premten, më 16 janar, live në YouTube, LinkedIn dhe Facebook, në orën 20:15 ju do të keni mundësinë të futeni brenda një prej strukturave më të sofistikuara të tregut të pronave në Shqipëri. Në këtë episod, Ilda Zaloshnja dhe Brandan Mativi, bashkëthemelues dhe drejtues të Capital Point, ndajnë për herë të parë në një format të hapur filozofinë që qëndron pas rritjes së kompanisë, mënyrën si kanë ndërtuar një brand të lidhur me standardet e Forbes Global Properties, dhe çfarë do të thotë të drejtosh një biznes që operon në segmentin më kërkues të tregut.

Business
Innovation

Other Episodes

Episodi 1 "Think Big" me Arbër Kadia (Patoko)

Episodi 1 "Think Big" me Arbër Kadia (Patoko)

By Business Magazine

Pas dy sezoneve që frymëzuan dhe sollën në fokus histori të vërteta sipërmarrjeje shqiptare, Think Big rikthehet fuqishëm me sezonin e tretë! Episodi i parë hapet me një histori suksesi që vjen nga zemra e Tiranës – Patoko, SuperApp-i shqiptar që synon të revolucionarizojë mënyrën si lëvizim dhe ndërveprojmë çdo ditë.

39m 7s

Episodi 2: “Think Big” me Erion Yzeiri nga Vitalux – Sipërmarrja nuk është për të gjithë!

Episodi 2: “Think Big” me Erion Yzeiri nga Vitalux – Sipërmarrja nuk është për të gjithë!

By Business Magazine

Episodi i dytë i sezonit të tretë të “Think Big” jo vetëm që trajtoi industrinë e ndriçimit, por sepse tregoi qartë se si një ide spontane, një dëshirë e brendshme dhe një guxim i sinqertë për të dalë nga rruga e zakonshme, mund të ndërtojnë një histori suksesi që ndriçon më larg se çdo reflektor. Erion Yzeiri, themeluesi i Vitalux, është shembulli perfekt i dikujt që nuk u përmbajt nga frika se “nuk e njihte fushën”, por përkundrazi e ktheu atë mungesë njohurish në një pikënisje për të mësuar, ndërtuar dhe krijuar një biznes që sot është ndër liderët e tregut shqiptar të ndriçimit. “E them me sinqeritet, kur nisa Vitalux mendova se e njihja këtë industri, por realisht nuk e njihja fare. Kisha punuar në pozicione drejtuese më parë, por ndjeva që aftësitë e mia duhej t’i provoja në diçka që ishte plotësisht e imja. Doja të ndërtoja një vizion, jo thjesht të ndjekja një rrugë që ishte e përcaktuar nga të tjerët”, shprehet Erioni. Ky episod u xhirua në një prej projekteve më të veçanta që kompania e tij ka realizuar: një vilë fantastike në San Pietro, ku çdo element ndriçimi, çdo detaj i konceptit është menduar për të reflektuar qetësinë që sjell deti përballë. “Kjo vilë për mua është më shumë se një projekt. Donim të sillnim qetësinë që të jep deti brenda shtëpisë – ndriçimi nuk është vetëm teknik, është emocional. Ai krijon ndjesi. Dhe këtu donim të sillnim diçka të thjeshtë, minimaliste, por jashtëzakonisht relaksuese”. Vitalux, e themeluar në vitin 2016, është tashmë distributori zyrtar i disa prej markave më prestigjioze ndërkombëtare si GE Lighting, Meanwell, Sylvania Lighting dhe shumë të tjera. Por sipas Erionit, nuk janë emrat e mëdhenj që e bëjnë një kompani të suksesshme, por mënyra se si ti i qasesh çdo projekti, çdo bashkëpunimi dhe çdo sfide. “Ne nuk jemi thjesht një kompani që shet ndriçim. Ne japim zgjidhje. Këshillim, dizajn teknik, zbatim dhe mirëmbajtje. Por mbi të gjitha, jemi bashkëpunues. Punojmë në sinergji të plotë me arkitektë, inxhinierë, dizajnerë dhe klientët tanë, çdo projekt është i përbashkët. Lexo edhe:Episodi i dytë i Think Big sjell në fokus Vitalux, kompaninë me pasionin për ndriçimin!” Puna e Vitalux nuk është më vetëm në Shqipëri dhe ky episod shpalos për herë të parë edhe një tjetër moment shumë të veçantë për kompaninë: hyrjen në tregun zviceran. “Një nga projektet më të veçanta që kemi realizuar është në Zvicër. Për ne, futja në një treg si ky është jashtëzakonisht domethënëse. Jo vetëm për shkak të nivelit të lartë të kërkesave teknike, por sepse tregon që ne jemi gati për të konkurruar kudo, me standarde të larta dhe me dinjitet.”Erioni nuk e subjektivizon sipërmarrjen. Përkundrazi, ai flet me shumë realizëm dhe sinqeritet për sfidat që sjell ky rrugëtim. “Mendoj që sipërmarrja nuk është për të gjithë. Ka shumë njerëz që janë më të lumtur duke punuar për dikë tjetër, ndihen komod aty – dhe kjo është krejtësisht në rregull. Por nëse e ndjen që ke dëshirë të marrësh diçka përsipër vetë, nëse ke energji, pasion, dhe kuriozitet, atëherë mos prit që gjërat të bëhen perfekte. Sepse ai moment nuk do të vijë kurrë. Do kalojnë vitet, dhe do shohësh që nuk e ke bërë kurrë realitet. Ajo që unë do i thoja çdo të riu është: bëj një plan të thjeshtë dhe hidh hapin. Vepro. Nëse do përdorja vetëm një fjalë për sipërmarrjen, ajo do ishte ‘ACTION’. Sepse pa veprim, çdo ide mbetet vetëm ide.” Në këtë episod të “Think Big”, ai jo vetëm ndau rrugëtimin e tij, por dha edhe një pasqyrë të qartë të realitetit të të bërit biznes me integritet, me pasion dhe me vizion. Vitalux është dëshmi se suksesi nuk vjen vetëm nga njohuritë teknike, por nga përkushtimi, respekti për partneritetet dhe dashuria për atë që bën. “Për mua dhe për stafin tim, Vitalux përfaqëson mënyrën e duhur të të bërit biznes. Ne besojmë në punën e ndershme, në cilësinë që zgjat dhe në bashkëpunimin që ndërton ura. ”Episodi i dytë i “Think Big”, tashmë i publikuar në kanalet sociale të BusinessMag Albania, është më shumë se një episod për një kompani ndriçimi, është një ftesë për reflektim, për guxim dhe për veprim. Është një histori e ndriçuar nga përvoja, nga pasioni dhe nga besimi se suksesi ndërtohet hap pas hapi, por vetëm nëse guxon të bësh hapin e parë!

22m 25s

Episodi 3 “Think Big” me Genti Selenica (Baboon Delivery)

Episodi 3 “Think Big” me Genti Selenica (Baboon Delivery)

By Business Magazine

Kur të gjithë mendonin se Shqipëria nuk ishte gati për një aplikacion delivery, Genti Selenica vendosi të provojë të kundërtën. Baboon nuk është më thjesht një aplikacion – është një mënyrë jetese që kombinon teknologjinë, shpejtësinë dhe pasionin për të bërë gjërat ndryshe. Pas çdo porosie që merr, fshihet një sistem inteligjent që punon në heshtje për të sjellë shërbim cilësor dhe të shpejtë. Një ekip i ri, një vizion i qartë dhe shumë guxim – kjo është Baboon. Nëse ke porositur ndonjëherë ushqim në Tiranë, ka shumë mundësi që Baboon ta ketë sjellë në derën tënde. Por pas këtij shërbimi që duket i thjeshtë, fshihet një histori pasioni, inovacioni dhe vizioni afatgjatë. “Kur je i ri, nuk do t’ja dish për asgjë – thjesht e nis,” thotë Genti Selenica, themelues dhe CEO i Baboon, në episodin e tretë të Think Big, transmetuar nga Business Magazine. Dhe kjo është ndoshta fjalia që përmbledh më mirë shpirtin me të cilin nisi rrugëtimi i një prej kompanive më të suksesshme shqiptare në fushën e teknologjisë. Një histori e lindur nga dëshira për të ndërtuar diçka ndryshe, për ta bërë në Shqipëri dhe për ta ngritur me forcat vetjake. “Doja një sfidë të re. S’e dija saktësisht se çfarë, por doja ta bëja këtu,” rrëfen ai, ndërsa tregon se si në fillim idetë e tij nuk u pritën me optimizëm nga restorantet. “Na shikonin me dyshim. S’u pëlqente ideja e një sistemi të ri. Por ne i thamë: ne do të ndryshojmë mënyrën si ju merrni porositë, do të keni më shumë, më lirë dhe më shpejt.” Baboon nuk është më një aplikacion i thjeshtë për porosi. “Është një mënyrë jetese,” thotë Genti. Një ekosistem i ndërtuar me kujdes, që funksionon si një qytet inteligjent në miniaturë. Në sipërfaqe, duket e thjeshtë , zgjedh ushqimin, porosit, pret. Por pas kuintave është një “orkestër moderne” teknologjike, ku algoritmet llogarisin në sekonda rrugën më të shkurtër, restorantin më efikas dhe korrierin më të afërt. Sistemi i ndërlikuar dhe bashkëpunimi i pandërprerë midis komponentëve, restorant, korrier, konsumator, janë themeli i suksesit. “Klientët nuk duan vetëm ushqim. Duan kohë. Duan cilësi. Duan çdo gjë në vendin e vet. Ne menduam për biznesin, jo vetëm për konsumatorin,” shton ai. Por kjo nuk do të ishte e mundur pa një ekip të përkushtuar . Iris Toska, menaxhere logjistike, thekson: “Një nga pikat tona më të forta është ndërveprimi midis ekipeve. Secili e ka të qartë rolin e tij dhe jemi shumë të rinj në skuadër, çka na lejon të përshtatemi shpejt me çdo trend, çdo zhvillim.” Xhois Kuta, menaxhere e përmbajtjes digjitale, rrëfen se e njohu Baboon përmes familjes dhe u tërhoq nga fakti që ishte një brand autentik shqiptar. “Gjithmonë kam dashur të mbështes brande shqiptare. Këtu çdo ditë ka sfida. Por ka edhe një vizion të qartë që na bashkon të gjithëve,” thotë ajo. Nga ana tjetër, Alban Kosova, CTO i kompanisë, ndan se si gjatë tre viteve të fundit kanë bërë përditësime rrënjësore të sistemeve për të përballuar fluksin gjithnjë e në rritje. “Kemi kaluar nga B2C edhe në një model të ri, ‘Baboon at Work’, që u shërben kompanive që duan ushqimin në zyrë. Kjo është një lëvizje e natyrshme për një startup që njeh tregun e vet,” tregon ai. Por rruga nuk ka qenë e shtruar me lule. “Para tërmetit dhe pandemisë ishim shumë mirë. U lançuam në Durrës, Vlorë, Kosovë. Më pas, gjithçka ndryshoi. Na u desh të tërhiqeshim. Pastaj erdhi pandemia, një mur gjigant për t’u kaluar,” kujton Genti. Zgjidhja? Vullnet dhe vendosmëri. “Shkova tek institucionet me ide të qarta. U thashë se kudo tjetër delivery po funksiononte dhe ata më kuptuan.” Sot, Baboon është një histori suksesi që ka lindur në një treg skeptik, ka mbijetuar në krizë dhe ka lulëzuar falë një vizioni të qartë dhe një strategjie rigoroze. “Shumica e startupeve fillojnë me marketing. Ne ndërtuam teknologjinë. Dinim sa para duhej për çdo veprim, kush ishin aktorët, sa i madh ishte tregu, cilat ishin rreziqet,” shpjegon ai. Mesazhi i tij për të rinjtë është i drejtëpërdrejtë: “Në Shqipëri i ke të gjitha mundësitë. Më mirë bëj diçka kot sesa rri kot. Mësoni një gjë që doni dhe bëjeni këtu. Gabimet më të mëdha në startup bëhen me njerëzit , zgjidhni mirë ekipin, kini kujdes me financat, aplikoni strategjitë me përpikmëri.” Ky ishte një udhëtim frymëzues në mendjen dhe zemrën e një sipërmarrësi që guxoi, humbi, fitoi dhe mbi të gjitha, besoi. Një histori që frymëzon, sfidon dhe motivon çdo të ri që dëshiron të ndërtojë diçka me vlerë, pikërisht këtu, në Shqipëri. Ndiq episodin e plotë të “Think Big” me Genti Selenicën dhe zbulo rrugëtimin pas suksesit!

39m 7s

Episodi i 4 i "Think Big": Green Coast Hotel | MGallery Collection – Ku mali përqafon detin!

Episodi i 4 i "Think Big": Green Coast Hotel | MGallery Collection – Ku mali përqafon detin!

By Business Magazine

Në episodin e katërt të programit “Think Big”, publiku u njoh me një prej investimeve më ambicioze dhe transformuese në sektorin e mikpritjes në Shqipëri, Green Coast Hotel | MGallery Collection, pjesë e rrjetit ndërkombëtar Accor dhe e zhvilluar në bashkëpunim me Balfin Group. Ky hotel është vendosur në zemër të Palasës, aty ku mali përqafon detin dhe ku natyra dhe eleganca ndërthuren në një përvojë luksi. Nga bregdeti i mrekullueshëm i Palasës, do të njiheni me një projekt që po vendos Shqipërinë në hartën e turizmit luksoz: Green Coast Hotel | MGallery Collection, pjesë e grupit ndërkombëtar Accor. Në këtë episod do të dëgjoni nga afër rrëfimet e atyre që po ndërtojnë çdo ditë një standard të ri mikpritjeje në vendin tonë: Ramzy Salib – Drejtor i Shitjeve dhe Marketingut Artemisa Lena – Menaxhere e Marketingut Edison Myftarago – Menaxher i Recepsionit Gid Shaqiri- Ekspert dhe konsulent në industrinë e hotelerisë Zbuloni si po transformohet Riviera Shqiptare në një qendër të turizmit të rafinuar dhe pse ky investim është shumë më tepër se një hotel – është një shenjë e besimit në të ardhmen e Shqipërisë. Gerti Boshnjaku dhe Eni Muça, moderatorët e programit, zhvilluan intervista me disa nga figurat kyçe të këtij projekti, të cilët ndanë jo vetëm të dhënat mbi strukturën dhe ofertat e hotelit, por edhe vizionin për të ardhmen e turizmit elitar në Shqipëri. Ramzy Salib, Drejtor i Shitjeve dhe Marketingut, tregoi se hoteli ofron 131 dhoma të kategorive të ndryshme, nga klasiket, te suitat presidenciale, të gjitha me pamje nga deti. Ai theksoi rëndësinë e vendndodhjes dhe promovimit jo vetëm të hotelit, por të gjithë destinacionit Green Coast si një oaz luksi. Ramzy zbuloi se hoteli ka pasur interes të madh që para hapjes dhe objektivat e para janë realizuar në mënyrë premtuese. Artemisa Lena, Menaxhere Lokale e Marketingut, vuri në dukje se tregu shqiptar ka pritur me entuziazëm këtë projekt, duke treguar gjithnjë e më shumë interes për standarde të larta shërbimi dhe përvoja autentike. Edison Myftarago, Menaxher i Recepsionit, ndau detaje rreth ndërtimit të një kulture mikpritjeje sipas standardeve të Accor, duke përfshirë trajnime të vazhdueshme dhe përzgjedhje të kujdesshme të stafit, një kombinim i ekspertizës lokale dhe ndërkombëtare. Gid Shaqiri, ekspert i turizmit dhe hotelerisë, e konsideroi këtë investim si dëshmi se Shqipëria është gati për t’u rreshtuar përkrah destinacioneve më të famshme turistike. Ai theksoi se ky është momenti për të menduar vizionar dhe për të investuar në turizëm të qëndrueshëm dhe gjithëvjetor. Çfarë mund të mësojmë nga ky episod? Riviera Shqiptare po kthehet në një destinacion luksi falë projekteve si Green Coast Hotel. Shqipëria po arrin të konkurrojë me destinacione të njohura ndërkombëtare. Bashkëpunimi mes markave ndërkombëtare si Accor dhe grupeve shqiptare si Balfin sjell standarde të reja mikpritjeje në vend. Hoteli do të qëndrojë i hapur gjatë gjithë vitit, duke synuar të zgjidhë sfidën e sezonalitetit. Fokusi është te përvoja unike e klientit, që përfshin jo vetëm shërbim të personalizuar por edhe aktivitetet përtej verës: kulinari, spa, wellness dhe evente elitare. Episodi i katërt i “Think Big” ishte më shumë sesa një prezantim hoteli; ishte një rrëfim për një kapitull të ri në mikpritjen shqiptare. Me një miks të elegancës ndërkombëtare dhe mikpritjes vendase, Green Coast Hotel | MGallery Collection përfaqëson një hap të rëndësishëm drejt një Shqipërie që mendon dhe pret më SHUMË.

26m 35s

Episodi i 5 i "Think Big": Diego Pisa, CEO Teleperformance Albania

Episodi i 5 i "Think Big": Diego Pisa, CEO Teleperformance Albania

By Business Magazine

Pas një sezoni të kaluar shumë të suksesshëm, i cili u shoqërua me feedback pozitiv nga publiku dhe komuniteti i sipërmarrjes, Think Big rikthehet këtë vjeshtë me më shumë energji, entuziazëm dhe histori të tjera frymëzuese. Sezonin e ri do ta hapim me një intervistë ekskluzive me Diego Pisa, CEO i Teleperformance Italy Group & Albania, një lider vizionar që prej 17 vitesh ka ndërtuar një histori të jashtëzakonshme në Shqipëri. Nga eksperienca e tij si napoletan që gjeti në Shqipëri zjarrin dhe pasionin për të ndërtuar, deri tek menaxhimi i mbi 3500 punonjësve dhe transformimi i Teleperformance në një nga kompanitë më të mëdha dhe më të vlerësuara në vend, Pisa sjell një shembull unik lidershipi dhe inspirimi.

48m 27s

Episodi i 6 i "Think Big": AADF (PIRAMIDA - Qendra e Inovacionit Shqiptar)

Episodi i 6 i "Think Big": AADF (PIRAMIDA - Qendra e Inovacionit Shqiptar)

By Business Magazine

Në këtë special, zbulojmë se si Piramida e Tiranës, me mbështetjen e Albanian - American Development Foundation (AADF), po shndërrohet në epiqendrën më të madhe kreative dhe teknologjike në Shqipëri. Shqipe Berisha – Drejtuese e Piramida Tirana & TUMO Donjeta Sahatçiu – Drejtoreshë e Kampusit 42 Tirana Uranik Begu – Drejtor i Plug & Play për Evropën Qendrore & Lindore Esmeralda Byberi – CEO e Innovation Hub Një bisedë me katër figura kyçe që po formësojnë të ardhmen e sipërmarrjes dhe inovacionit në vend.

28m 50s

Episodi i 7 i "Think Big": AADF (Intervistë me drejtuesit)

Episodi i 7 i "Think Big": AADF (Intervistë me drejtuesit)

By Business Magazine

Në episodin e gjashtë të Think Big, patëm kënaqësinë të sillnim një bisedë me katër figura kyçe të inovacionit dhe zhvillimit në rajon, ku në qendër ishte transformimi i Piramidës së Tiranës në një qendër të re kreative dhe teknologjike, nën kujdesin e Fondacionit Shqiptaro-Amerikan për Zhvillim (Albanian - American Development Foundation (AADF)). Pas asaj bisede frymëzuese, rikthehemi me pjesën e dytë, ku kemi një intervistë ekskluzive me dy drejtuesit ekzekutivë të AADF, Aleksander Sarapuli dhe Martin Mata. Në këtë episod, ata ndajnë vizionin e tyre për mënyrën si po ndërtohet ekosistemi i ri i inovacionit në Shqipëri, rolin që luan AADF në edukim, sipërmarrje dhe teknologji, si dhe sfidat që shoqërojnë një transformim kaq të madh në zemër të kryeqytetit.

28m 52s